ميرزه‌ علي‌اكبر صابر

سن‌ ياخشي‌ دولان‌ اوزگه‌سي‌ هر جور اولور اولسون‌

هر كس‌ آج‌ اولور چيلپاق‌ اولور، عور اولور اولسون‌

سن‌ تازه‌ لباس‌ ايله‌ دولان‌ كوچه‌ ده‌ پوز وئر

يوخسول‌ كيشي‌ انظارده‌ منفور اولور اولسون‌

سن‌ اوز گونونو ايسته‌ ايشيق‌ اوزگه‌ گوزونده‌

دونيا ايشيغي‌ گر شب‌ ديجور اولور اولسون‌

ييغ‌ وارليلاري‌ باشيوا، قور مجلس‌ عشرت‌

تار و قاوال‌ و مطرب‌ و طنبور اولور اولسون‌

دم‌ خانيه‌ يول‌ وئرمه‌ (اگر) الده‌ وارين‌ وار

يوخسول‌ قولاغي‌ كار، گوزو كور اولور اولسون‌

ياغلي‌ پيلووون‌ اوستونه‌ قوي‌ جوجه‌ي‌ بريان‌

باس‌ قارنيوا آبدوغو كاسيب‌، شور اولور اولسون‌

آغ‌ بوغداني‌ دارت‌ دور چورك‌ ايله‌ بير دويونجا

يوخسول‌ خوره‌ييي‌ آرپالي‌ بولغور اولور اولسون‌

بانكا تاپيشير، صانديغا قوي‌، جيبداني‌ دولدور

كونلون‌ پول‌ ايله‌ ايندي‌ كي‌ مسرور اولور اولسون‌

قورخما ياريم‌ آرشين‌ كيمي‌ كسگين‌ پيچاغين‌ وار

خلقين‌ دري‌ سين‌ سوي‌، نه‌ قدر زور اولور اولسون‌

احسان‌ قازانين‌ آس‌ قوناغين‌ وارلي‌ لار اولسون‌

اوغلان‌ ابوي‌ هر جوره‌ مغفور اولور اولسون‌

هر نه‌ كي‌ اكيبسن‌، اونو آخير بيچه‌جك‌ سن‌

سوزلر كي‌ دئديم‌ هر بيري‌ منظور اولور اولسون‌

«هجري‌» دوزوسن‌ سوزلريوي‌ رشته‌ي‌ نظمه‌

قورخوتما مني‌ ميغميغا زنبور اولور اولسون‌

/ 1 نظر / 17 بازدید
سولماز

سلام عيدت مبارک حالا ديگه آپ ميکنی و خبر نميدی ؟! من که خودم ديدم