اي حسينه آغلايانلار آغلايين اوز حالوزا
ايندي آغلير كربلا شاهي سيزين احوالوزا

رادمردان خدا اولمز هميشه زنده دير
سيز اولرسيز باخمايين بوجارو بو جنجالوزا

امت بي غيرتي نئيلير امام تشنه لب
احتياجي يوخ سيزين بير قطره اشك آهوزا

آغلاماق وئرمه ز نتيجه عزت دين اولماسا
يا گولون يا آغلايين يا كول ياخين سققالوزا

شمردن آرتيق حسينه سيز اذيت ائيله ديز
اي خلاف شرع ائدنلر بير باخين اعمالوزا

شمر بير دفعه حسيني اولدوروب، مين دفعه سيز
اولدوره رسيز گر دوشه ايندي سيزين چنگالوزا

سوزلريز، غيبتدي، بهتاندي، يالاندي افترا
نه وئره ر آللاه سيزين بو خشگه قيل و قالوزا

بير بئله دادوفغان ائتديز حسينه آغلاديز
اي منافقلر نه آلديز باغلاديز دسمالوزا

نور چشم مصطفي محبوب رب العالمين
دوز مسلماني سئوه ر آند اولسون ايستيقلالوزا

خامس آل عبانين بيلمه ديز مقصوديني
ايسته دي بلكه وئره رونق سيزين اجلالوزا

شرقدن غربه گره ك سيز اولايديز حكمران
ليك سيز آماده سيز ايندي اوز اضمحلالوزا

پاكدل اينسان سيزي گورسه يقين گمراه اولار
كيم سيزي ناپاك ائديب لعنت گله غسالوزا

خلقي شيطان تولاياندا تولوسوز شيطاني سيز
مات و حيران قالميشام بو شيوه ي اغفالوزا

يا گلين بو درگه سلطانه سيز اصلاح اولون
يا گئدين تابع اولون بير دفعه اوز دجالوزا

اهل قرآن سيز اگر، قرآني ايله رفتار ائدين
ناطق قرآن سيزين باخسين گوزل اعمالوزا

زير بار ظلمه او عالمده بير آن گئتمه دي
سيز ولي بير عمر آلديز بار ذلت دالوزا

لعنت پروردگار اولسون گوروم صبح و مسا
پي، پارافيندن قئييرمه ياغ ساتان بققالوزا

وار بير عده حسينچي پاكدامن بي ريا
نه سيزه بنزه ر نه سيزين امثالوزا

من سيزه آللاهدن هر وقت توفيق ايسته ره م
سيزده توفيق ايسته يين((حداد)) تك نقالوزا

/ 5 نظر / 14 بازدید
حامد

سلام آقای دل آسا.عالی بود.عالی که نه محشر.پندی جاويد برای من و تک تک اونايی که کباده حسينيت می کشن و دريغ از يک جو حسينيت.

ژاله

پیش از آن که واپپسین نفس را بر آرم پیش از آن که پرده فرو افتد پیش از پژمردن آخرین گل بر آنم که زندگی کنم بر آنم که عشق بورزم . بر آنم که باشم . به روزم

مريم اختياری

دوست عزيزم سلام ....من باز هم خونمو آب و جارو کردم اين بار براي دفاع از دخترا ...اين بار از دردسرهاي دختر بودن نوشتم ...اين بار معني دختر رو نوشتم .....اين بار براتون نوشتم دختر بودن يعني چي خوشحال ميشم سري بزنيد منتظر حضور گرمتون هستم و منتظر انتقادات و نظرات سازنده شما موفقيت شما آرزوي هميشگي من هستش مريم

همگاني

واقعا وبلاگتون خوبه ! مثل اين که کليشه ای شد باشه وبلاگت يه جوراييه که آدم بخواد بخونه حتما موفق باشی