شعر طنز :ترحيم مجلس

ائله دیم بیرگونی بیر مجلس ترحیمه گذار

وارد اولجاق قاپیدان مسجده با حال نزار

عرشه خوان گورجک همان سسله دی قوی گل قاباغا

امرینه طاعت ائدیب گئتدیم اورا دوردی ایاغا

خوش و بش دن سورا اول مادح با فضل و برات

بوتون امواتیمه گوندردی بش التی صلوات

سوفته ده ائتدی تلاوت نئچه خط قرانی

چئینه ییب حلقی ازیب مدی قاتیب اخفانی

ائله بیر لحن ایله قرانی تلاوت ایلدی

ائله بیل شمر گلیب خیمه نی غارت ایلدی

بیر قصیده ایله یامان پوزدی بیزیم احوالی

شعری سیندیریب وزنی بوتون ووردی یئره قافیه نی

آرخاسی اوسته یئره چیپدی قصیده دییه نی

ائله کی شاعیرین او  نکوارینا قوشدی هولا

قیزیشیبدی بوغازی دیل دوداقی دوشدی یولا

باشلادی مرثیه نی  مشتری دیر گوز یاشینا

آغزینا هر نمه نه گلدی دئدی اوز باشینا

آقامین ال ایاقین باغلادی تسلیم ائله دی

ایکی اللی آپاریب دشمنه تقدیم ائله دی

وقت او وقت اولدی قرائت ائله سین اعلانی

بو آخیر بندیله تکمیل ائله سین احسانی

دئدی کی مجلیسیمزده نجبالر واردی

شعرا لر فضلا لر ادبالر واردی

یکه باشلار ائله ییب مجلیسه اجلال نزول

هر رقم شخص گلیب سائل و مسئول و فضول

دسته گوللر یئتیشیب مسجده اولوبدور بستان

ائوی آباد  وئریلیب قیرخ ایکی یئردن اعلان

ناگهان چایچی گلیب وئردی اونا بیر نامه

نامه کیمدندی؟ وکیلدندی...قوپوپ هنگامه

اوخویوب نامه نی مخلوقی پریشان ائله دی

اویانیق سوزلریله گوزلری گریان ائله دی

نامه ده یازمیشدی اولمادیم  ای وای منه

یوخسا جان اوسته اولان وقته گوپردوم تپمه

باغلیاردیم گوزنی غسل وئرردیم بدنه

اوز الیمله او عزیز جسمی بوکردیم کفنه

ممکن اولسا ائلیون رحم  من مظلومه

چکمیون فوت شناسنامه ی بو مرحومه

نئچه گونده ن سورا کی  غملره آماج اولارام

بو اولن قارداشیمین راینه محتاج اولارام

الغرض مجلس ترحیمی چوخ عالی گوردوم

ذکرینه غالب اولان وزر و وبالی گوردوم

هره بیر جور گلیب ابراز وجود ائیلیردی

صاحب مجلیسه تعظیم و سجود ائیلیردی

هامی یاددایدی  فقط بیر اولی چیخمیش یاد دان

الی چاتمیردی بئله مجلیسه تورپاق آتدان

الی چاتمیردی سیخا نوحه خوانین خیده گینی

دیه کی ائیله ادا دوز عین وایله غیینی

آز شولاتدا بو گوزلیکده کلام اللهی

الی چاتمیردی چکه اهل عیالین انگینده ن

چیخادا وار یوخونی  قور قودوغون چنگینده ن

الی چاتمیردی دییه آی ادا بازلار اوتانین

بطهارت بلیاقت به نماز لار اوتانین

دیریلیکده گله نیم اولمادی بیر کس ائویمه

ایندی اعلان ودریلیب قیرخ ایکی یئردن اولومه!

بئله بیلسیدیم اولر دیم ننه مین قارنیندا

ایندی عاجزله مزیدیم بولارین قارشیندا

شعر: شهودی

  

/ 20 نظر / 43 بازدید
نمایش نظرات قبلی
ائلياز

حورمتلی قلمداشیم سلام گوزل دویغونوزا آیدینلیق آرزیلاییرام لینکی نیز یاییلدی.... هله لیک

سون آی دومانلی

باری سن گونش اول ياغدير بارماقلارينی بو دومانلی گونلريمده ..........سيزين يولونوزو گوزلييرم

بايگوش

Yeni yılın size ve tüm sevdiklerinize sağlık, mutluluk, neşe, başarı, bolca para, sevgi ve huzur getirmesini dilerim. Mutlu Yıllar...

احمد

سلاملار حورمتلی وطن داشیما چؤک ساغ اولاسان، ایستفاده ئتدیک، یورولمویاسان[گل][گل] موفق و پیروز باشید... تملّق، بدترین درد است ای دل... چارۀ گرانی دارو... هدیۀ رومیزی!... بی سر پناهی تا به کی؟!...

احمد

سلاملار حورمتلی وطن داشیما چؤک ساغ اولاسان، ایستفاده ئتدیک، یورولمویاسان[گل][گل] موفق و پیروز باشید... تملّق، بدترین درد است ای دل... چارۀ گرانی دارو... هدیۀ رومیزی!... بی سر پناهی تا به کی؟!...